جربت..؟؟؟...بقلم الشاعر خيري حسني
قصيدة بعنوان
(جربت؟؟؟؟!)
جربت تنسى.
بإن لك وجود.
جربت تنسى.
إنك حقيقي ولك
كيان ولك حدود.
جربت تنسى إنك
مش آله ماشية
تطحن بعضها.
بدون ماتور
أو صاموله بدون
عمود.........
جربت تنسى
إنك عبيط بدون
قرار أو أختيار
ساكن وحيد
بدون ردود.
جربت تسمع غلطتك
طنين في ودنك
وليها صوت
زي البرود.
جربت تكتم غيظك
وإنت في سكوت
في حالة صمت
وسكون وسبات
سمع هس.
تبعد تهاجر
عن بعض نفسك
ترمي الحموله
عن كتافك.
تمشي هناك في
آخر الدورب
من غير رجوع
أو تعود.
جربت تعمل
إنك جبان.
واقف كاحيطه
في مهب ريح
بدون سند
أو إيد تتمد لك
تشد عزمك
للأمان توصلك
تاخد بالكف
على الكفا
من الدنيا
وتقول كمان
لإني أستاهل
مشيت في حياتي.
بالهبل من غير
حساب للزمن
بدون ماتلاقي
لوعود.
جربت تنسى
الجد وتكون قوي
أوالهزار وتعيش
حمار.
بدون قرار
تشوف العليقه
من بعيد تنهك
بدون ما تقرب.
تبات جعان.
محروم من حنان
أو أي ود
مغصوب بس
على إنك
تسمع بنود.
جرب كدا
وقول لي بعد
التجربة لسه فيك
إيه باقي منك
غير حبة كراكيب
مهلهله مشخلله
على آهات
مع الدموع
ويا البكا وأحزان
في عينيك
بتفضحك بتمحي
الرجوله في
وشك على لحن
ناي ودقة رق
ونغمة عود.
جربة تعيش
حياتك وأنت
مهمش بدون حياة
أو روح وقلب
بينبض بيشتاق
لنفس الصبح
لما يفتح على
زقزقة عصفور
واقف على طرف
الشباك بيصبح
عليك من غير
ما تعيش في
غابة وأسود.
تنهش عضمك
تمص دمك.
وإنت لا حول لك
من وقوة
من غير نهوض
شبعان قعود.
جربت.......
تكتب بالقلم.
عن ال بيك.
تكتب قصيدة
عن حياتك بدون
حروف أو فيها
خوف من ال جاي
بدون ما أي بني
آدم عليك
يسود........
جربت.؟!!!!؟
2/3/2024
(ترنيمات وخواطر.بقلم............)
(شاعر العاميه/خيرى حسنى...)
تعليقات
إرسال تعليق