تخديعة..الشاعر/يسري عثمان
تخديعه
///==//
كعبلني كلام الملاغيه
والحرف اللي بيلعب بيه
دا فداكي روحي وعنيه
ياعيون كدابه وعناديه
ارسم في قلوب
واعمل مغلوب
ياهل الله حادوب
تقابلني بقسوتها قويه
اشتري فستان
ألوانه جنان
بتداوي القلب من الاحزان
واستني ولاتسأل فيه
ملاوعه وفيها حاجات بتجن
تتهني لما تحس بقلبي يإن
تركب جناحات وتكيدني حاجات
ولامره ياناس علي روحي تحن
بتشعلل قلب الشوق لهاليب
اخاف لو لحظه عني تغيب
انا اطق شرار وتقيد النار
تهمس و تقول اما انت غريب
دي حالتي ياناس ودي طبيعه
وحبيبتي ياناس حاجه مريعه
علي قلبي وغلبي بتدلع
تنفخ في النار لما تولع
احايلها تقول وسع وسع
مش فاضيه انا باعمل تخديعه
تعليقات
إرسال تعليق