من غير تحدي...بقلم الشاعر الزجال عبد الكبير محمد أحمد
💘👁️من غير تحدي👁️💘 إوعي تروحي.....لأي تحدي
ف عيونك...والنظرة بادوب
سحرك.....عطر عبيره يعدي
خد..ف دروب الحب قلوب
موجك عالي....وإيمتا يهدي
وف دنياكي...أكون محبوب
لو تدي وصالك.....مين قدي
ف زمان قرب هواه مكتوب
جايلك...وانا مجدافي بيدي
قبل ما شمسي تنادي غروب
حمرة خجلي..باينة ف خدي
وبعيش....ف غرامك مغلوب
إرمي الطوق..ناوليني ومدي
وخلي ضفايرك زاينة التوب
دا سلام قلبي.....بيسبق يدي
والشوق ناره....صهد وشوب
حلاوة ف همسك....لما تردي
وشهد....ف زادك والمشروب
أملي في دنيا...وطالع سعدي
ومافيش بعد وصالي هروب
**************************
✍️ بقلم/عبدالكبير محمد أحمد
جمهوريه مصر العربيه المنيا

تعليقات
إرسال تعليق