ما تفرقشي...بقلم الشاعر الزجال خالد جمال


 ماتفرِقشي ،،،

تروح وتسيب ف قلبي آلام 

أتوه بعدك سنين أدام

أعيش وياك حنين وغرام 

بقت عندي ما تفرقشي


بقيت حاسس معاك بفتور

ومش فارق غياب وحضور 

خلاص بان اللي كان مستور

خلاص نارك ما تحرقشي


عرفت الشوق معاك وبدأت 

بنيت حلمي ف هواك وعشقت

لكن بانلي بمرور الوقت

بنيت ف جراح ما بتروقشي


سنين عايش معاك بضمير

وبتعايش واقول ده مصير 

لكن كان أخرة التقدير

جراح ع البال ما تخطرشي


رعيت ودك بقلب كبير

وفيك وحدك كان التفكير

وكان رد الجميل والخير

تسيب قلبي كده وتمشي


غريق قلبي ف بحر الشوق

ومش شايف نجاة أو طوق

معاك بدري جفاه الضوء

وشمسي تغيب ما تشرقشي  


ف ليل حزنك 

كانت عيني قمر ساطع


ينورلك 

وكان نوري ف هواك قاطع


لكن ظنك أنا بهجرك 

هعيش أيامي ف مواجع


أو الأوهام تصورلك 

هكون بعدك شريد ضايع


مسير ليل الجراح هيزول 

وفجري أكيد ف يوم طالع


خلاص عشقك ملاني هموم

خلاص شوقك بدمي سموم

خلاص قلبي جريح مكلوم

خلاص روحي مابطقشي


                           ماتفرقشي


بقلمي/ خالد جمال ٨/١١/٢٠٢٦


تعليقات

المشاركات الشائعة من هذه المدونة

Amour Céleste....Ecrit par Jahangir Alam Rustom

معصور الفكر ...بقلم الأديب والشاعر يوشع علي اسماعيل

طبول الأمل....بقلم الشاعر هاني فايق اسكندر فرج

تجاهلها الناس...بقلم الشاعر نورالدين جقار

أمنية....بقلم الشاعر يحيى صديقي

القلب اذا ارتاح،اشتعل....بقلم الشاعر أكرم كبشة

ركبت لجاج العشق حيث استحالا....بقلم الشاعر جمال اسكندر

معاناة لا تفسير لها ...بقلم الكاتب والروائي علاء أبو شحاتة

مالي أراك على الدوام تكشر...بقلم الشاعر كمال الدين حسين القاضي

نحن نبات الارض ،الحي المتحرك...بقلم الكاتب والشاعر حسن علي علي