عن وصف الشعر....بقلم الشاعر الزجال يوشع علي اسماعيل.
زجل
عن وصف الشعر الناس قالوا
بدنا نعرف الشعر ورجالوا
عطينا لمحة عن الشعار
كيف بيرسم اللوحة بخيالوا
الشعر موهبة وفطرة بيخلق
بعقل الشاعر العطر بيعلق
حتى يصير صورة معلق
الشاعر بيرسم لوحة جمالوا
إذا الشاعر بشعرو ما تبلد
ما في كلمة بشعور بتولد
حتى بتاج المجد يتقلد
بدو يحكي بلسان حالوا
الشاعر بيكتب قضيت شعب
ولسان الحق لو كان صعب
لو السيف عارقبتو لعب
لازم السيف يرجف من خيالوا
بالأحساس بتكتب الكلمة الشعار
ومن هيبتوا بتلبس ثوب الوقار
حتى تصبح بالمعبد مزار
بيركع خيالوا ويصلي قبالوا
إذا بعطر الحرف ما تعطر
الشاعر بيت القصيد ما سطر
وإذا غيث المواهب ما أمطر
ما بيربى الورد بجنينة دلالوا
إذا أصبح الشاعر تاجر
بتموت الكلمه بتيبس بالحناجر
وإذا طير الوحي أصبح مهاجر
ما بعود يعرف يمنو من شمالوا
تيصير شاعر بشعر أبدع
بدو عالقصيدة القلب يدمع
وينقط الحرف بدمع نَبع
حرارة شوق لشعر وكمالوا
تيصير بدر بجو هاني
بدو يقطف زهر المعاني
ويعصر خمر الشعر بالقناني
ويسقي أهل الذوق من حلالوا
بقلم الشاعر والأديب د يوشع علي إسماعيل

تعليقات
إرسال تعليق