أمل ....بقلم الشاعرة نفيسة عمارة
امل
علي الضحكة جلجلها
وارمي الهم بعيد عنك
وخد م الدنيا جمايلها
وانسي الحزن من يمك
خلي ضحكتك تعلي
واطلع فوق الشجر
هتلاقي الدنيا احلي
يبهرك جمال المنظر
ياحاقدين انسو النميمة
وخافو رب كريم
يكفينا شر اللءيمة
والغل وسؤال اللءيم
انا ليه بلوم الدهر
وليه بعادي السنين
بكرة يتعدلى الظهر
انسي قسوت البني ادمين
ياهم لم كراكيبك
ابعد من قصاد عيني
البس توبك ومراكيبك
ولا تفكر يوم تاجيني
انا مش لاعن الظروف
ولا بسب زماني
انا بقول يارب العوف
انت شاهدت احزاني
شربت كاس المر كتير
وخدت من الوجع جرعات
صوت الألم مزعج نفير
قلت ازرع الصبر ف صوبات
ماحلي كلام الصمت
والدفي فلغة السكات
النورج واخدها حرت
من طوبة لبرمهات
دمع السنين ع الخد علم
حفر ف القلب ١٠٠ حفرة
شجر الصنط نطق اتكلم
وف المندرة عمل حضرة
كلماتي الشاعرةنفيسةعمارة
تعليقات
إرسال تعليق