ظلمنا الزمن...بقلم الشاعر حسن الشوان
.......... ظلمنا الزمن ..........
ظلمنا الزمن والطباع فينا
وبنقسوا عليه بسوء العناوين
وبنحمله أخطاء اللى حوالينا
ونقول عليه عايش بوشين
حُب الحياه عن الود لاهينا
والدنيا بتشوطنا وتلعب بينا
بتشغل بالنا وبتزغلل عينينا
وعايشين غرباء عن الدين
الزمن برىء من كل أفعالنا
عايش معانا حزين علينا
ظلمناه وبارضوا بيستحملنا
والعشره ما بنا ايام وسنيين
مش عايز يقوول ولا يتكلم
فى كل المواقف واقف مبلم
عمره ما أشتكى وهو بيتألم
ومهما ضحك بارضووا حزين
فى كل قسووه نقول ع الزمن
ويتكتب ف الأول قبل السبب
ونلقا التووهان رخيص التمن
ولما مره فكرنا عرفنا العجب
مغمى قلووبنا ومش شايفين
.........................................
...... د . حسن الشوان 🇪🇬 .......
تعليقات
إرسال تعليق