مهرك غني....بقلم الشاعر بدر الدين ود الفاشر
مهرك غني
شعر /بدر الدين ود الفاشر
بتقولي أكتب عن هواك
حبي الجواك بتحملوا
لو جد تريدني وتشتهي
وينا الغناوي التنظموا
بتقول عيوني الامنيات
كل حاجة فيني بتعشقوا
وأنا ما عاوزة غير مهري الغني
إسمي الوتر يتغزلوا
يتغنوا بيا الناس دوام
أطفال رياضنا يدندنوا
زي عازة اسطورة الجمال
تسكن قلوب وتونسوا
واحترت والحرف القصيد
كيف بس هواك اوصفوا
وتبقي الخلود في العالمين
من جيل لجيل يترنموا
وبقيت اقلب في الكلام
أكتب وتاني ابدلوا
يا وجعة القلب العشق
حتى الكلام بيحنسوا
يفضل يساهر في إلتياع
يسكب حنينو وينسجوا
ويلقي الكلام قاصر وعي
وتشبيه بليغ يا وحشتوا
يا شاردة من طيف الغني
ويا ماسكة ايد الأمنيات
شوفي القليب في محنتوا.
ود الفاشر ~
تعليقات
إرسال تعليق