لما كنا صغيرين.. بقلم الشاعر/محمود خلاف
لما كنا صغيرين
كان حلمنا بسيط
بنحلم بكل شيء جميل
نحلم نكون كبار
ونعيش أحرار
ونسطر خطوط
حيتنا
ونعيش ملوك
ما نرضي في يوم
نكون ضعاف
كانت اماني،، وأحلام
ولما كبرنا
كان الزمان
غير الزمان
والوجوه أشباح
شفنا المرار
وغدر الزمان
ونسينا اسامينا
وتاريخ الميلاد
تمنينا نفضل صغار
يضمنا حضن آمنا
ويحمينا ابونا من الضياع
ولما كنا نبكي
يجري علينا كل الاحباب
ولما نضحك
تترسم السعادة
علي كل الجدران
وكل طلبنا مجاب
مش عارفين حتي
امتي وأزاي
كان حلمنا شيء بسيط
لعبة وحاجة حلوة
والسلام
وطقم جديد للعيد
وكمان مصروف جيب
لما كنا صغيرين
كان كان حلمنا
شيء بسيط
محمود خلاف
جمهورية مصر العربية
تعليقات
إرسال تعليق