أنا قوال....بقلم الشاعر محمد سيوفي
( أنا قـــــوّال)
ــــــــــــــــــــــــ
أنا لا شـــــاعر ولا زجّــــــــال
ولا ليــّـــا في إيديكوا ديوان
لكن تقدر تقــــــــول قــــوّال
وعالفــِــــطره أنا إنســــــــان
بعيـــــش الفكره والموضوع
وماعرفش ف كلامي رجوع
ولو حتى هامــوت م الجوع
ماحيلتيـش غير قلم ولسان
أنا بكتـــــب وجـــع ناســـي
وضميري وديني حُرّاســــي
ولو هاشــرب مرار كاســــي
بيكفيـــــني رضا الرحمـــــن
وأمــوت حرفي قايد للنـور
وفاضـــح للنفــــــاق والزور
ويـــــــوم يــجي عليا الدور
يقولو ميت وعاش إنســـان
محمد سيوفى
تعليقات
إرسال تعليق