واهاني...بقلم الزجال المحجوب بوسبولة
//////+++وا هاني+++//////
وا هاني قدام مطفية
هاني لك راكب عود صبر
حثى حاجة مامخفية
جاي نروي منك سرار صدر
باراكة من كاين وحدي
لحروفة لطف ياك معروفة
باراكة لك مايطيح سعدي
وا ماشي من السوق مخطوفة
هاني فيها كا نتخايل
وانا منها حصيدة عامها
كزهار ربيع ياك نتمايل
منها فيها هاز علامها
هانا ف سفينة حلم بوح
من صدري خارجة في لوراق
يالمجموعة من ورد الروح
وانا عشقتها داعب عشاق
سطرتها بمحبة بمداد
سعدات من خلاني نتبورد
هاتبوريدة بسمة لعباد
ف الحركة لقلم يتعود
ياك الكتبة اخيال لفكار
ونديع معاها نوصل شط
حرف ديما رفيق بشار
عارف مكانو وفن يحط
بقلم صقر الحروف
الزجال المحجوب بوسبولة
تعليقات
إرسال تعليق