الأب طوق النجاة...بقلم الشاعرة زكية فيصل
الأب طوق النجاه
كلمات زكيه فيصل
الدنيا زي ليله شتا بارده وكئيبه
وأصوات رعد وبرق بتخوف مريبه
وأبوك حضن دافي وإحساس بالأمان
ونهار شمسه ساطعه منورة وليها هيبه
الدنيا بتمرجحك وبتقلبك علي غفله
وكل السكك قدامك تلاقيها سَكه وقافله
وتيجي إيد تنجدك وتنشلك إيد أبوك
ويفتحلك كل السكك ويقولك بينا يلا
أبوك سند مايميل لو كل الدنيا مالت
واقف في ضهرك حاميك وكتافه ياما شالت
لو تمشي في يوم طريق يمشيه قبل منك
ينوره ويزهره ويفرشه أمان أفعاله ياما قالت
الأب لو يغيب بيغيب معاه الأمان
والراحه والسعاده والضحك بتاع زمان
والنور كمان بيغيب والدنيا بتبقي ضلمه
ولا في زيه في طيابته ولا مثله في الحنان
✍🏻 زكيه فيصل
تعليقات
إرسال تعليق