العيد خلص...بقلم الشاعر سيد السباعي
العيد خلص
العيد خلص وكهله ايام بتمر
وسنين بتجري بس ياريت
الناس تعرف انها من العمر
العيد خلص والناس بتجري
كلها وما حدش عارف اللي
بينفع من اللي بيضر
العيد خلص والناس حاسه
نفسها في غابه كلها بتنهش
في بعضها زي الذئاب ولا عمرها
عامله حساب للسنين
اللي بتجري وبتمر
العيد خلص والناس كلها
في رمضان كانوا لابسين لباس
التقوى والناس كانت بتتصارع
على فعل الخير
العيد خلص والحياه رجعت
زي ما كانت مش هي دي الناس
اللي كانوا معانا في رمضان
مش هي دي الناس اللي كانت
بتستنى وقت الفطار
العيد خلص وانا زي ما انا
في غربتي وحيد ومقضي
عمري كله بعيد والسنين
عماله تجري وبتمر
بقلم سيد السباعي شاعر الغربه
تعليقات
إرسال تعليق