في محطة الإنتظار...بقلم الشاعر د.هشام علي

 في محطة الانتظار 

دايماً     أنا    بحتار

من أول  النهار لآخر النهار

دي الكلمة في كل مرة

طالعة بطعم المرار

لكن ولحسن ظني

بصبر  ولا  أحتار 

في محطة الانتظار

في محطة الانتظار

سكّان كتير قاعدين

وبرغم طعم المرار

أملهم    لسة   باقي

قاعدين يقولوا أمين 

تأتيهم لحظة كرمك

تشرق لهم شمس عطفك

.....     يا رب العالمين

يارب الكون بحاله

للسارح فيه بخياله

الساجد تحت عرشك

حقق له إللي في باله

تعطيه من بعض كرمك

وتعامله  بحسن   ظنك

ويشوف  الدنيا   أحلى

من  صورة  وف  خياله

يارب   إحنا   عبيدك

خالقنا من بعض كرمك

نتمني  تجود  بعطيتك

وتقّربنا  دايماً   لجنبك

سامحنا    لو   خطينا

وحاوطنا بسياج م إللي عندك

يا ربي ما لينا غيرك

يا إحفظنا بحفظك

..... ..... ..... ..... ..... ..... .....

 المهندسين في ١٣/ ٤/ ٢٠٢٤م 

       في محطة الانتظار

                شعر

           د . هشام علي 

..... ..... ..... ..... ..... ..... .....