اصرخ بقلبك.. الشاعر/عبدالكبير محمد أحمد
🔥💖أصرخ بقلبك💖🔥 لو فيه عتاب....بطلت أعاتب
من العتاب......أنا شفت كتير
كان للزمان قريب أو صاحب
مفيش مصلحة وبهوانا يطير
ياميت هلا ومليون ومراحب
همس الكلام...ونعومته حرير
مدهون بزبدة...وطعمك رايب
فيه مصلحة...... نعيد التفكير
لو ما كدبتش...... تبقى خايب
كدب النهارده.......ملوه تفسير
بقت له هيبة وصحبة حبايب
حب ف جنابه....ونام ياضمير
دول خلوا صوت الحق غايب
رموه ف جب......ف آخر البير.
وطال لسان.......الظلم العايب
إن قلت حق.........بقيت شرير
واجب تعيش..الكدب الخايب
علشان تعيش......طيب وأمير
ها تروح لمين...وتلوم وتعاتب
أصرخ بقلبك.....قول يا ضمير
**************************
✍🏻بقلم/عبد الكبير محمد أحمد
جمهورية مصر العربية المنيا
تعليقات
إرسال تعليق