هني وسلم..الشاعر/عبدالكبير محمد أحمد
🎄هني وسلم 🎄
🌹 عام جديد ٢٠٢٥ 🌹 إوعي تلومي...مش ها أتألم
خدني خيالي.....وراح لبعيد
سنة عدت...فيها اللي مضلم
فيه سنة جاية بوعي جديد
قلوب.........قبل إيدينا تسلم
نبدر...........طرح الحب يزيد
وحوار.......لو قاعدين نتكلم
ويا المعنى........صداه تغريد
مش عايزين......لليأس نسلم
ويفضل فينا.....شارد ووحيد
طرح أمل.......ف قلوبنا يعلم
يكتر فرحه...........ووده يزيد
واللي يعاتب........قوله اتكلم
لو ف كلامه........شيء بيفيد
ولا نبكيش.......على حد مبلم
بكرة ها يفضل.......حلمه بليد
عللي الفرحة....عيش واترنم
خلوا....... شموع الحب تقيد
سنة وجديدة.....هني و سلم
بارك عمرك..........تبقى سعيد
**************************
✍🏻بقلم/عبد الكبير محمد أحمد
جمهورية مصر العربية المنيا
تعليقات
إرسال تعليق