القصيدة الهادفة....بقلم الشاعر اسحاق قشاقش
(القصيدة الهادفة)
القصيدة عندي بتهدف لعدة معاني
وببذل فيها جُهد ومحبة وتفاني
وبشرح أوضاع الناس فيها
وبعاني متل ما كل الناس بتعاني
وبحب كل الناس تفهم معانيها
وبكتبها من قلبي وعطفي وحناني
ودموع العين بتعرف مجاريها
متل ما الوريد بينزف دم قاني
ويا إبني الدني تعلم خوابيها
ولا تحكم بالظلم فوراً على الجاني
ودور على النبعة وسواقيها
وإذا هالناس من الظلم بتعاني
والجرار يا إبني بتنضح بما فيها
وعمرك ما تمسح جوخ ولا تبيض أواني
وكلامك للناس بالمحبة تداريها
مش متل حجر أو رمانة ملانة
وحلو الناس بالإحسان تواسيها
وبالكلام الحلو ولو مجرد ثواني
ويا بيي للناس إياك بأخطائها تعريها
وأستر عليها وعلمها الديانة
والناس الخاينة إياك تجاريها
وعمرك يا إبني ما تخون الأمانة
بقلمي إسحاق قشاقش
تعليقات
إرسال تعليق