القرار الأخير .....بقلم الشاعر عاطف وديع
القرار الاخير
اسمعيني في اخر كلمه هقولها افهميني
بعد العتاب ما فيش عذاب اسمعيني
ادي نفسك فرصه تعرفي هتظلميني
ارحمي نفسك وارحميني
انت حبك اغلى من كل الوجود
عديت بحبك كل الحدود
عشنا حب ودق قلب وفرح في كل الاماكن
وعشنا غيره ودموع قليله ولكن الحب في القلب ساكن
كنت لما اغيب ثواني كنت تقولي ده عمر ثاني
كنت لما اخدك في حضني تقولي اوعى تسيبني
جايه دلوقتي تقولي فراق
واللي فاضل من حبنا سكه عذاب
دموعك دي غاليه عليا
عمر ما شفت من حبك اسيه
حتى لو انا غلطان
سامحيني ممكن اكون انشغلت عنك بيكي
لكن انت حاسه ان انشغالي مش ليكي
خلاص قلت كل اللي عندي
والقرار ليكي انت
هتكتبي شهاده ميلادي
ولا هتكتبي شهاده وفاتي
عاطف وديع
تعليقات
إرسال تعليق