أغنية سمرة....بقلم الشاعر شريف شحاته
أغنية
سمرة
سمرة عينيها جميلة وناعسة خلت قلبي يميل
سحرت نفسي بنظرة وهمسة أحلم طول الليل
من فترة ساكنة هنا قصادي وانا دايب في جمال مش عادي وأصبر نفسي المرة دي وخايف اكون أنا البادي
مشتاق من سنة ونفسي أنا أعيش وياها في حلم طويل
نلحق عمرنا كدة مع بعضنا ونعيش حلمنا والعمر قليل
سمرة عينيها جميلة وناعسة خلت قلبي يميل
سحرت نفسي بنظرة وهمسة أحلم طول الليل
الجميل مش داري بيا وهو روحي ونور عينيا
لو يحن في يوم وأشوفه مرة ومش كتير عليا
أتمني أشوفه يا سمرة وأسعد بحروفه يا سمرة
نفرح بحياتنا يا سمرة ليه بس كسوفه يا سمرة
نلحق نفسنا ونعيش عمرنا ويروح صبرنا والصبر قليل
سمرة عينيها جميلة وناعسة خلت قلبي يميل
سحرت نفسي بنظرة وهمسة أحلم طول الليل
كل يوم أتمني أقابلها والجميل ولا هو داري
قلبي يرقص ويغني لها نفسي يسأل فيا جاري
مش قصدي خلاعة يا سمرة ولا برمي إشاعة يا سمرة أنا نفسي أشوفك يا سمرة طب جرب ساعة يا سمرة
ليه تتقل كدة جرب بالرضا ليه غاوي تعيش مع قلب تقيل
سمرة عينيها جميلة وناعسة خلت قلبي يميل
سحرت نفسي بنظرة وهمسة أحلم طول الليل
بقلم شريف شحاته مصر
تعليقات
إرسال تعليق