ثبات ونبات.....بقلم الشاعرة عبير الصلاحي
تبات ونبات...
ده قطر العمر عدى وفات
وهدى قبل ما يعدي
ووزع على القلوب سلامات
ومين فينا ما حودش عالأيام
وخبى في عبه كااام ذكرى
و حوش من السنين حكايات
يمزمز منها في الحبة
اللي فاضله له
و لو ضلم عليه العمر
يفتحها تنور له
وتمحي عتمة الأزمات
فتضحك له سنين العمر
من تاني تدفى برد أحلامه
تطمن فرحته الواقفه
على محطة نهاية العمر
عشمانه في هناها تبات
فيا كل ...
القلوب العايشة في إمبارح
وزعلانه إن بكرة خلاص
صبح واقع
وخصم من رصيد العمر
وداينها وعدى حاجات
بلاش تبخس تمن بكرة
وتتنمر وتنسى ..
إن أجمل لحظه في حياتك
مستنية في نهاية شريط عمرك
وإن العبرة في النهايات
بقلمي عبيرالصلاحي
من ديواني تعال أما أقولك
تعليقات
إرسال تعليق