انا في انتظارك....بقلم الشاعر عبد المنعم مرعي


 انا في انتظارك

---------------

انا في انتظارك

بعد الثواني والساعات

محوطاني وانا لحالي

كل الحاجات

حب وشوق حنين باقي

من الذكريات

كل شئ هنا عنك بيسالني

بيخاطبني بيندهه عليك

وبااعلي صوت ليه 

يكلمني 

وبكل حواسي انا سمعاله

وهمساته 

العذبه تشجيني تصحي

الحب اللي ف قلبي

والقلب بتعله دقات

والنبض بيشتاق لمساته 

بيقوله حبيبي تعالي

انا في انتظارك ياحبيبي

واقف مستني 

امته ياحبيبي ترجعلي 

تبعد بقربك كل الظنون

دي عني

اللي في مخيلتي محوطاني 

شله تفكيري واخداني

تعبتني معاها بالاه

انك ياحبيبي 

مشيت في طريق تاني

وروحت لبعيد ونسيتنا

تعالي حبيبي بقا تعالي

انا في انتظارك 

هنا واقف واقف ياحبيبي 

مستني كل الاماكن عليك 

هنا بتسالني عايزة تعرف 

مني بتحاول تستفسر عنك

مالهمش كلام غيرسيرتك 

وامته هاتيجي وامته 

لحضني في يوم ها تعود 

داكلامهم عنك عذبني

حيرني وسهرني ليالي 

وحاولت كتير اهرب منهم

عايزة ابعد عنهم لااي مكان

لقيتني من غير ولاحاجه 

واخداني نفسي من نفسي

جيباني لنفس المكان

اللي كنا فيه بنتلاقا 

علي شط البحرالغرام 

مع الموجه اناجي طيفك 

واناديه يحسني واحس بيه

يحس بالمي اللي انا فيه

من طول بعادك وغيابك

انا في انتظارك

بعد الثواني والساعات

محوطاني وانا لحالي

كل الحاجات

وبيسالوني عنك 

بيقولي راح وانسيك

ومش باقي منك

الا الاهات ودموع 

سالت ومش باقي

منها الا ذكريات 

سااظل حبيبي هنا 

باقيه 

وحدي في الانتظار

حتي تسكت كل الظنون 

وتحي حبي الباقي 

وكل الحاجات

بقلم عبد المنعم مرعي

تعليقات

المشاركات الشائعة من هذه المدونة

Amour Céleste....Ecrit par Jahangir Alam Rustom

معصور الفكر ...بقلم الأديب والشاعر يوشع علي اسماعيل

طبول الأمل....بقلم الشاعر هاني فايق اسكندر فرج

تجاهلها الناس...بقلم الشاعر نورالدين جقار

أمنية....بقلم الشاعر يحيى صديقي

القلب اذا ارتاح،اشتعل....بقلم الشاعر أكرم كبشة

دفعت بالتي هي أحسن...بقلم الشاعر يوسف بلعابي وقراءة تحليلة بقلم الناقد عمار الشريعي

ركبت لجاج العشق حيث استحالا....بقلم الشاعر جمال اسكندر

معاناة لا تفسير لها ...بقلم الكاتب والروائي علاء أبو شحاتة

مالي أراك على الدوام تكشر...بقلم الشاعر كمال الدين حسين القاضي