ساكن تعز.. بقلم الشاعر/د. عدنان المقطري العدنان

 

.....ساكن تعز.....

د.عدنان المقطري العدنان

ساكن تعز ياناس ..

محبوبي الغالي..

ومهجتي عنده..

رحلي وترحالي..

شكيت من بعده..

ماحد رثا حالي..

ساكن تعز ياناس..

اللي سغل بالي..

اللي سكن شعري..

لحني وموالي..

حبيته من شفته..

وهمت طوالي..

ساكن تعز ياناس..

قمة صبر عالى..

اصبحت مملوكه..

ودايم على بالي..

كلما دعاني الشوق..

تزداد احمالي..

ساكن تعز ياناس..

من زيد اثقالي..

وخلا دمع العين..

عالخد سيالي..

مشاقره فتنه..

واللحظ قتالي..

ساكن تعز ياناس..

محبوبي الحالي..

امير في مشيه..

طاؤس خيالي..

يختال في تيهه..

ومبسمه سالي..

ساكن تعز ياناس..

كالبدر ليالي..

شفايفه عناب..

والخصر ميالي..

حير جميع الناس..

وحتى عذالي..

ساكن تعز ياناس..

قمة صبر عالي..

ومرفئه روحي..

محبوبي الغالي..