كفايانا.. بقلم الشاعرة/سناء البنا
* كفايانا
بناقص. اي حد
يزود ............ جرحنا
كفينا عذاب بجد
مش قادره خلاص انا
بتزود في الجروح
وفي كل مكان بروح
تغلبني الذكريات
ارجوك مبقاش في روح
انسي اللي فات وكان
وإني. حبيبة زمان
لسه هتعيش عشانك
أو تديلك أمان
تبعت كتير رسايل
غصب عني مردش
تتأسف. أو تحايل
بعمل اني مشفتش
عارف اني بحبك
وقلبي عليك .. حنين
بس صدقني جرحك
ما كانش حبيبي هين
بتحن تاني ليه؟
عايز ترجع لحضني؟
هيفيد يا حبيبي ايه؟
ما دمت بقيت تاعبني
ارجوك ابعد وانساني
بطل كلمة وحشاني
مبقاش في القلب تاني
مكان يساع هواك
هسيبك غصب عنى
ياأقرب ليا منى
هسيبك ياظالمنى
وهسيب قلبى معاك
✍️سناء البنا
تعليقات
إرسال تعليق