يابت ياللي سايقة الدلال.. بقلم الشاعر/م. محمد عوض
يا بت يا اللي سايقة الدلال
***************************
يا بت ..... يا اللي سايقة الدلال حبك في القلب سال
هو اِنتِ قلبِك ........ عليه حزمة من الأقفال ؟
وعمرك مافكرتِ ................. اِنك تعدلي معايا الحال
آه من جفا طبعك ... يا اللي حيرتي فينا مليون سؤال
حِني علي شوية ...... وخلي بينا سكة وكلام يتقال
يا بت يا اللي سايقة الدلال حبك في القلب سال
اكسري أقفالك واعطفي..... علينا بنظرة ورِقَّة ودلال
دنا قلبي من كثر ما حبك اشتكى وطلب منك الوصال
واِنت مش سائلة عني..... ولا حتى في يوم قلبك لية مال
يا بت .. يا اللي سايقة الدلال حبك في القلب سال
حسنك وجمالك ....... تتهز ليهم الدنيا وبيحصل زلزال
وبيخضر البستان وبينبت الزرع ..... ويروق الفال
جمال عينيكي بتتكسف منه .......... وتتحرك الجبال
يا بت .. يا اللي سايقة الدلال حبك في القلب سال
اعطفي وخلي الدنيا تضحكلي... وتتغير بيه الأحوال
لما بشوفك أو يمر طيفك بيكون يومي عال العال
ولما بتغيبي عني بيغيب كل.... الوجود وأشيل الأحمال
يا بت ..... يا اللي سايقة الدلال حبك في القلب سال
ياريت أعرف عنوانك وأتعرف على أبوك ...... والخال
وأسكن قلبك وأبقى جارك ........ ويرتاح الفكر والبال
وأفوز برقتك ودلالك ........... وأشبع من حسن الجمال
يا بت ..... يا اللي سايقة الدلال حبك في القلب سال
بقلم الأديب والشاعر المهندس / محمد عوض
بتاريخ : 21 / 02 / 2022
تعليقات
إرسال تعليق