صدفه.. بقلم الشاعر/دخيل العطيوي الثقفي
صدفه
للشاعر دخيل العطيوي الثقفي
،،،،،،،،،،،،،،،،،،،،،،،،،،،،،،،،،،،،،،،،،،،،
صدفه بلا ميعاد جتني كنها عابر سبيل
في ساعة ماكنت أميز طيبها من شومها
تراكمت في وجه شاعر لين ضيعت الدليل
فرحت به ساعه وعيت تكتمل في يومها
ومفارقات الوقت تضني بين شد وبين ميل
لاصادفت هم الصدور إلي تزايد لومها
عاماً مضى مثله مثيل الحلم في وقت المقيل
يفوق من نومه مضيع دربها وعلومها
وش تنفع الحيره مع الملتاع في درب الجميل
مادام من حبيت جرعني مجاج سمومها
الله من الدنيا وجور النفس للصدر العليل
إلي من أول طيبته تثني عناد خصومها
وإن كانت الفرقا بدت تطغى على خطوه وميل
مادام يطلبها ويشريها برخصة سومها
أبلتزم صمتي وبرمي الهم في مدراج ليل
والعهد ما بخلفه طول العمر يامرحومها
تعليقات
إرسال تعليق