شيء فضيع.. بقلم الشاعر/سامي محفوظ حنا
بقلم سامي محفوظ حنا
شيء فظيع
لما تشوف قدامك
بيوت بتضيع
زوج عنيد وزوجه
لا بتسمع ولا بتطيع
والصوت عالي على
طول والجار سميع
بتوصل للضرب والإهانات
قدام الولاد والبنات
مش خايفين ولا مهتمين
مستقبل أولادهم يضيع
شيء فظيع
الزوج أصابه الجنان
يضرب مراته كمان وكأن شيء ما كان
ويقول أبويا وجدي كانوا كده زمان
الست تنضرب وتتهان
لا ترفع صوتها
ولا تسمع الجيران
علشان أبقى راجل
في بيتي وليه مكان
ولا يقولوا مش حاكم مراته
وسيرتي تبقى على كل لسان
لازم تضرب مراتك
تحترمك وتسمعلك وتطيع
شيء فظيع
زوجه عقلها تعبان
أسرار بيتها مع الجيران
ولما زوجها يجي تعبان تحكي
عن مشاكلها مع فلانه وفلان
ومشاكل الأولاد كمان
يسيب البيت ويدور
له على مكان
وعلى القهوه يقضي
الليل مع أصحابه سهران
ويروح على النوم
تعبان وهلكان
و النوم طار من عينه كمان
سهران بيفكر حيران
وتملك منه إحساس فظيع
البيت راح ينهد والأولاد تضيع
شىءفظيع
بقلم سامي محفوظ حنا
تعليقات
إرسال تعليق