يامتكبر.. بقلم الأديب الشاعر/م. محمد عوض
يا متكبر
***************************
يا اللي شايف نفسك عالي عن الخلق وديما متعالي بكلامك
اسمع مني كلمتين ....... وحطهم حلقة في ودانك
اتكلم مع الناس بأدب واحترام وبطل عنطزة على غيرك
احترم تحترم وبلاش تتنطيط بقى .... علشانك
خلي سيرتك حلوة بين الناس .... واُعدل بقى لسانك
واُمش بتواضع بين البشر ...... و ضبط بقى حالك
لا أنت عمرك حتشيل الأرض ولا الجبال على راسك
ولا عمرك ما هتهد ولا حتخرم الأرض برجولك
ولا عمرك حتبقى في يوم أطول من جبالك
ولا عمرك ما حطير في الفضا إلا وانت راكب طيرك
وقصَّر وما تطول في الحوار ده اِنت معروف بأفعالك
وبلاش تخش بصدرك وِِشْ .......... بِكل أمورك
واحترم الصغير قبل الكبير في نزولك وصعودك
واسعى ديما للخير يمكن تِكَفَّر عن سيئاتك
وتُوب عن ذنب التكبر ومتتبعش شيطانك
وانت ابن تسعة زيك زي باقي البشر إخوانك
الكل أخرته متر في مترين يا رب أكرم عبادك
يا اللي شايف نفسك عالي عن الخلق... وديما متعالي بكلامك
بقلم الأديب والشاعر المهندس / محمد عوض
بتاريخ : 25 / 04 / 2022
تعليقات
إرسال تعليق