ليه العنف.. بقلم الشاعر/صلح شعبان الفيداوي
===== ليه العنف ====
وجالك قلب تضربني
وإديك تعلم على عنيه
طب ليه كل دا منك
شبعت فيك مداديه
وأقول بكره هيتغير
بدال القسوه حنيه
لقيتك ماشي ولا سائل
ف طريق شيطانك ومكمل
وناسي إني أنا أهلك
وعامل عليه أنا راجل
ومخك تايه ومش عاقل
وانت ف الأصل مش ليه
لكن نصيبي وداني
وخلاني أشوف الظلم بعنيه
كفاية شبعت من ظلمك
ومن القسوة ومن الحرمان
عايزنا نرجع زي زمان
خلاص انسى كل ما كان
خلاص من قلبي انا نسيتك
وانت برضه انساني كمان
طويت الصفحة معاك
وبقيت حكاية منسية
بقلمي
صلاح شعبان الفيداوي
القاهرة
٢/٤/٢٠٢٢
قامت بتصميم الصورة نجلتي الاستاذة إيمان صلاح
تعليقات
إرسال تعليق