الشهامة ....بقلم الشاعر د.علي مسلم عجمي
( الشهامه )..
للشاعر الدكتور علي مسلم عجمي
------------
الرجولة و الشجاعة و الكرامه
عطوا للشخص بالمبدأ شهامه
أسد لو عِشِت مرة في حياتك
حتّى و لو ساعة بإستقامه
أفضل ما تعنونها صِفاتك
باقي عمرك بعيشِة نعامه
الشهامه في أصالة معطياتك
أصيل النفس ما بيعرف ندامه
الشهامة مسجلة بِـتْصَرّفاتك
و بأرض الطيبة الأخلاق نامي
الشهامة رجولتك في مكرماتك
بتسامح .حِسُن ظن و إبتسامه
الشهامة مواقف و نكران ذاتك
عِطَت من صدق موقفها علامه
الشهامة مسؤولية لوعد فاتك
و رجعت تساهدو بعبن اليلامه
و لبيتو بعد ما صرخة قساتك
و وفيت و صرت أودع من حمامه
الشهامة مش لقب حامل سِماتك
الشهامة أدب.. بالمبدأ فخامه
الشهامة ما تزوِّد عن كفاتك
و قناعة تخطت حدود الملامه
الشهامة ببيتك تعزز ثباتك
رجولة قدرها مرفوع سامي
لإمك عِشق و العطف لخواتك
و حنان لبنتك تصونو بدعامه
الشهامة تضحية لو يوم جاتك
و إخلاص و وفا و الشرف حامي
المبادي حِطها برغبة صـِلاتك
و إزرع عا خدود العِشق شامه
و خللي الكبريا من ذكرياتك
و لا غرورك يسيئ الظن عندك
حتّى يظل في عندك شهامه
الشاعر… د. علي مسلم عجمي
لبنان
تعليقات
إرسال تعليق