من يستحق الخير ...بقلم الشاعر أبو رأفت إبراهيم الشعراني
...(من يستحق الخير).......
من ألم محتاج ما يسأل
يكتم حاجته و يخفيها
يداري اوجاعه عسى ولعل
تتغير ظروفه ويبتسم تاليها
من حزنه الخافي المهمل
بستلهم ابياتي ونظم قوافيها
وارتب معاني ابتديها بهل
ماتت الرحمة وتبدلت معانيها
هل الضمير الحي قد تعطل
بقلوب البشر بمختلف اساميها
يوم صار العطاء مفهوم مجمل
لأشياء ظاهرها عكس خافيها
عطاء يبدو صحيح وهو معتل
عتلة نفاق نية المعطي وراعيها
يا فاعل الخيرات لحظه تمهل
خذ النصيحة واستمع لما فيها
من يستحق الخير ما يتوسل
ولايقول حاله رغم كل مأسيها
تلقى الحياء بوجهه لانه يخجل
يشتكي للبشر ونفسه بيدباريها
يحبس دموعه عشان ما تنزل
امامك و يحاول عنك يخفيها
هذا الذي يستحق لجله تفعل
كل مجهودك وجروحه تداويها
امنحه عطاءك حتى و لو قل
وكن عوينه ونفسك الله يرضيها
اما الشاكي اللي لك دوم يتوسل
مهمافعلت له من افعال ينسيها
لانه يظنك وقعت بفخه المفضل
يوم استعطفك بدموع يبكيها
والختم اصلي ع البشير المرسل
نبينا محمد نور القلوب وهاديها
✍أبورأفت إبراهيم الشعراني
تعليقات
إرسال تعليق