الصحاب أنواع....بقلم الشاعر السيد عطا الله
الصحاب انواع
***********
بقلمي/ السيد عطاالله
مهما كان بينا و يكون
مش إحنا اللي نخون
بنعرف لعشرتنا نصون
صدقنا بالسما نجوم
قتلونا بسهام الغدر
الأصيل عالي القدر
نور الوفي زي البدر
رفقته فوايد وعلوم
في صاحب زي السحاب
يخلي نور الشمس غياب
في ظلامه تعيش مرتاب
رعد و برق مطره سموم
في صاحب زي البحر صاخب
لا يروي زرع والملح فيه غالب
افتكر اتساعه هذا من المواهب
لو يغرق سفن مين عليه يلوم
في صاحب جدا غشيم
صاحب تاني غيره لئيم
صاحب ثالث طبع ذميم
صاحب رابع غراب وبوم
في صاحب زي النخيل
مسامح و طبعه جميل
مع الرياح تلاقيه يميل
رغم أزمات كرمه يدوم
كل يوم أكيد ها نقابل ناس
ناس بلا وعي و لا احساس
صحابنا همه ذهب و ألماس
غلاهم بالقلب يزيد كل يوم
كلمات السيد عطاالله.
تعليقات
إرسال تعليق