خلاص.. بقلم الشاعرة/حنان عيد
..........خلاص.............
خلاص مابقتش في الحسبه
ولا ليا في هواك نسبه
مفيش بعد المبيع عشره
وخدت صفر م العشره
وف نظري ماتفرقشي
ظلمتني زي اللي ظلميني
خلاص ابعد بعيد امشيء
مانيش شارى اللي بايعني
ولا قلبي يطاوعني
اسمك زي ماسمتني
ابشع جرح قلتهلي
ازاي انسى ظلمي ياناس
مفيش بعد البرود احساس
مفيش اصالح وكون محتاس
ولا هقفل عقلي بالترباس
هاعيش ولا اموت ياناس
ف حالي تبقوا سيبني
وان جتوني بمليون عذر
ورميتوا عليا العطف
خلاص كسرتوا باب الود
البعد انكتب م الغدر
...بقى المعهود...
انا قلبي معادش اهبل
خلاص ابعد بعيد احسن
منيش شاري اللي بايعيني
ولا قلبي خلاص هيحن
ولا لدمعك هكون نني
أسامتني الآهانه اتنين
انا من أعلى السماء نصين
رمتني وقلبي كان حاسس
مفيش بعد البرود احساس
مفيش بعد الغرق عيشة
ولا بعد الممات انفاس
وحضورك ليا زي غياب
وفي وشي قفلت الباب
فاكرك لي عوض وطبيب
وفي حضورك ماكنت تغيب
لكن بالسم مات القلب
وجراحي معاك ماطيب
انا ماشي خلاص ياأخ
يالي كنت رسمه ف بحر
كنت فاكراك عوض وصديق
طلعت خساره ف الحسبه
ومالك في القلوب نسبه
كسرت ف القلوب شرايين
ماعادت بعد اليوم للغدر تلين
ح. ع
تعليقات
إرسال تعليق