كشف حساب.. بقلم الشاعر/د. رزق الحويط
كشف حساب
___________
مين بيغير..........
م المكتوب
حد بيهرب..........
م الموت
خط العمر...........
ف الكف منحوت
يلا نلحق...........
قبل العمر مايفوت
لا نعاتب و لا نتوب
يلا نقعد...........
مع الأيام
نتحاسب و نقدم.......
كشف حساب
فين الصحبة و الأحباب......
اللي سافر..
و اللي هاجر..
و اللي كان بينا و غادر
و اللي قال راجع.............
و لا جاش
و اللي كان بيحلم...........
و العمر عليه مستناش
دي الحياة بقت............
سجل غياب
احضن الباقي.............
م الأيام
خاف و ف الخوف.......
امان و سلام
و اسأل نفسك............
فاضلك كام
ما انت ميت..............
عايش بين اموات
سارع و وقع............
ف سجل الحياة
عابد..تايب..............
راجع م الأوهام
عابد..تايب............
راجع م الأوهام.
بقلمي..رزق الحويط. في ٣٠_١٢_٢٠٢١
تعليقات
إرسال تعليق