الصبر.. بقلم الشاعر/أ. طلعت مجاهد
الصبر
------------------------
صابر على الأيام
وصبري ماله حد
أملي الجراح تهدا
بالصبر تطرح ورد
ياعشقي ومنايا
سمعيني الوِرد
راجع لحضنك أنا
مهما يطول البعد
وأرواحنا تتلاقى
لو بينا مليون سد
بس انت رِقِّي لحالي
وبلاش يهون الود
مكتوب علىَّ الشجن
ودموعي تروى الخد
قوليلي إمته اللقاء
وتدوب ليالي الصد
وافرح واقيد الانوار
واملا كؤوسي واصب
دا الشهد منك عسل
جماله فاق الحد
يانعمه من ربنا
واجب علينا الحمد
---------------------------------
شعر الاستاذ/طلعت مجاهد
برج النور الحمص أجا دقهليه
تعليقات
إرسال تعليق