كلام من وراء قلبي مش بحب الحب.. بقلم الشاعر/حموده دهمان

 كلام من ورا  قلبي

مش بحب الحب

كلمات حموده دهمان


مش بحب الحب

ولاحد يقولي حب

ولا سبت ولا أحد

بحب اكون بجد

بلا شوق بلا سهر وسهد

وقلب يبات يدق

ولهفه وحيره وبعد

دا كله اوهام وكدب

انااا مش بحب الحب


انا كدا سلطان زماني

عايش ومرتاح بالي

اصحى وانام براحتي

واعمل كل مبدالي

لحد يقولي فينك

ولا اخبار شعورك

ولا بتكلم مين ف فونك

ولا ليه طولت نومك

دا كله وجع في القلب


بصراحه كل اللي حبوا قبلي

عجزوا بدري بدري

ومانابهم غير الغلب

قال ايه سهران ليلاتي

يفكر في جانبها

مركز عاملي ساعاتي

قال ايه واخداه اللهفه

وبعدين يبكي يهاتي

علشان غيروا خدها

وووقع في المطب

انا مش بحب الحب


والتاني ياعيني داب

في جمال فتاة أحلامه

تملي عايش ف عذاب

وعذابها قوي بيحلاله

تقولشي  احساسه غاب

عشمان في يوم تصفاله

و هي منفضاله

ولا حاسه باللي بيجرى له

وقافله في وشه الباب

وبتقول عليه مدب

انا مش بحب الحب


والتالت حظه جميل

قصة حبه نجحت

واتجوز بنت النيل

وفرحت مشاعره ورقصت

ويادوب عدى الليل

عن وشها التاني كشفت

وصوتها اللي كان عليل

اتغير لما صرخت

اتخض وقال يافكيك

انا قصتي فشلت

ياريتني مدوقت الحب

انا مش بحب الحب


مش بحب الحب

تعليقات

المشاركات الشائعة من هذه المدونة

Amour Céleste....Ecrit par Jahangir Alam Rustom

معصور الفكر ...بقلم الأديب والشاعر يوشع علي اسماعيل

طبول الأمل....بقلم الشاعر هاني فايق اسكندر فرج

تجاهلها الناس...بقلم الشاعر نورالدين جقار

أمنية....بقلم الشاعر يحيى صديقي

القلب اذا ارتاح،اشتعل....بقلم الشاعر أكرم كبشة

ركبت لجاج العشق حيث استحالا....بقلم الشاعر جمال اسكندر

معاناة لا تفسير لها ...بقلم الكاتب والروائي علاء أبو شحاتة

مالي أراك على الدوام تكشر...بقلم الشاعر كمال الدين حسين القاضي

نحن نبات الارض ،الحي المتحرك...بقلم الكاتب والشاعر حسن علي علي