ليه ياقمر.. بقلم الشاعر/أ. طلعت مجاهد


 (   ليـــــه ياقمـــر     )

---------------------------

قفلت ليه ياقمر 

قبل مبلغ سلامـــــــــي

واقولك ع اللي شاغلني

واعيشك احلامي

وادي النجوم حواليك

شاهده علي اللي جرالي

أحلام رسمتهالك

وحدي بقالها  سنين

وعشت افتش فيها

يمكن الاقي حنيــــــــن

تعب الطريق ويايا

ومش عارف نهايته فين

صرت أسير الهيام

والوحده قتلانـــــــــــي

ومن كتر شوقي اليك 

باصرخ وأقول يانــــــــي

ياما نفسي أجيلك

لو أعدي  بحــــــور

واقعد أغنيلك

وأكشفلك المستـــــور

واشرب معاك الشاي

وامسك بايدي النـــــاي

واعزف لك الموال

اللي انت بيه مبهــــــور

واقعد علي الساقيه 

زي ماكنت زمــــــــــــان

وارسملك اللوحه

باديه كالفنـــان

إلهامه  ده  منك

يامصدر الالهـــــام 

متقولي ياقمري ساعة

طلوعك كــــــــــــــام

عايش أنا وحدي 

والوحده طبعا نــــــــار

واللي عايش فيها

تايه من الافكـــــــــار

متقولي ياقمري كيف

الهروب من النـــــــار؟

وارجع تاني لحضنك

و ليلي يبقى نهار

------------------------------

شعر الأستاذ /طلعت مجاهد

برج نور الحمص أجا دقهليه

تعليقات

إرسال تعليق

المشاركات الشائعة من هذه المدونة

Amour Céleste....Ecrit par Jahangir Alam Rustom

دفعت بالتي هي أحسن...بقلم الشاعر يوسف بلعابي وقراءة تحليلة بقلم الناقد عمار الشريعي

معصور الفكر ...بقلم الأديب والشاعر يوشع علي اسماعيل

الشهيد...بقلم الشاعر محمد رضوان البيش

حين نقرأ ما نعجب به قبل ان نعيد نثره....بقلم الكاتب والشاعر حاجي حفيظ

تجاهلها الناس...بقلم الشاعر نورالدين جقار

أمنية....بقلم الشاعر يحيى صديقي

طبول الأمل....بقلم الشاعر هاني فايق اسكندر فرج

القلب اذا ارتاح،اشتعل....بقلم الشاعر أكرم كبشة

ركبت لجاج العشق حيث استحالا....بقلم الشاعر جمال اسكندر