حكاية خرافة.. بقلم الشاعر/د. إليان سمعان
ا---------- حكاية خرافة -----------ا
ا~~~~~~~~~~~~~~~~~~~~ا
ا
طالع عالبحر بكير اتصيد شوية
()===() يادوب بعدا الشمس بمطلعا
شرّقت
ا
متل الشبح شفتو وفركت عينيي
()===() اية حلا مسحور عالشط
خلقت
ا
متل طلعة فجر مرقت عليي
()===() شالها الاحمر عاكتافها
رشقت
ا
يجعل صباحك فل قالتها بحنية
()===() والاذن قبل العين صوتها
عشقت
ا
صباحك بالسعد وورود جورية
()===() حسيت روحي من الصدر
سرقت
ا
منلك هالحلى كلو يانور عينيي
()===() خدودا من الخجل بالعرق
غرقت
ا
سمعان عنك شي الف خبرية
()===() قالو عيونك ارقام الحلا
خرقت
ا
قوليلي عالصبح شو بدك هدية
()===() حروف العشق والحب للمتلها
خلقت
ا
قالت بدي قصيدة غزل تكتبا فيي
()===() ماكحلت عيونك حروف الغزل
حرقت
ا
في حدا متلي شاف اسماك برية
()===() طالع عاصيد الصبح سنارتي
علقت
ا
مأكد انا عالشط لقيت حورية
()===() حكاية خرافة اليوم شفتها
وصدقت
ا
ا~~~~~~~~~~~~~~~~~~~~~ا
صباحكم صيد الجمال
همســــات الحب
اصدقائي
ا------------------------------------ا
الشاعر السوري المهجري -- د اليان سمعان
سفير السلام في كاليفورنيا . الولايات المتحدة
تعليقات
إرسال تعليق