الظهر لما انحنى.. بقلم الشاعر/أسامة جديانه
الظهر لما انحنى
لمس جدار الألم
جاني و بكاني
و العمر لما اتسرق
مايعود يوم تاني
زادت جواه جراحي
و الشيب آتاني
ضاعت ليالي الصبا
ما دريت مين الجاني
والقلب قتلوا الشوق
أثر في وجداني
من بعد سهر الليالي
والغربه وخداني
حنيت لأهل الغرام
والقلب لساه حاني
ضي القمر مكسوف
سالت دمعتي مني
حسيت برعب و خوف
راح فين زماني
فاتوني على شطهم
والموجه نسياني
ياشاهده على عشقنا
فايت معاكي الأماني
سابتني ساكن دمعتي
من الغربه راح اعاني
غريب وانا جوه نفسي
رحل الحبيب
و لا عمره يعود تاني
والضهر منى انحنى
والكل جافاني
والعمر لما اتسرق
ما يعود يوم تاني
(((أسامه جديانه)))
تعليقات
إرسال تعليق