خليكي جنبي. بقلم الشاعر/جمال سعد بوعيسى
خليكي جنبي
خليكي جنبي ماتبعديش
قلبي عليكي بينفطر
لوعايزه حبك فيه يعيش
خلي الوصال منك قدر
مهما يكون بينا العتاب
او لفظ مني في يوم بدر
خليني باقي في الكتاب
جوا الحجاب زي الأتر
مغرم وعاشقك من زمان
لم الغرام حن وحضر
قلبي اعترفلك قال كمان
لوطال غيابك حنتحر
زعلت نجوم الليل كتير
مني وحست بالخطر
قالت سمانا للنجوم
وازاي تجيب فيها القمر
من يومها حسيت اني طير
عشش بروحك وانبهر
غنيت غناوي المغرمين
لحنك علي اجمل وتر
مكتوبلي فيكي ياغاليه اعيش
ولهان ومغرم بالسهر
جم يسالوني العاشقين
ازاي وفين حبك كتر
قولت الغرام مالهوش أوان
زي النسيم وقت المطر
............
جمال سعد بوعيسي
تعليقات
إرسال تعليق