حب الدنيا ....بقلم الشاعرة د.زكية فيصل
(( حب الدنيا ))
حب الدنيا وعيش ايامك
وارمي همومك من قدامك
افرح من برة ومن جوة
وارضي بحالك زي ماهو
خلي يقين عندك بالله
داخل قلبك من جواه
ارضي بخاطر كل الناس
خليك دايما انسان حساس
ليه
ليه منخافش علي بعضينا
يبقي الخير والحب مالينا
نحب الخير لغيرنا نلاقي
يلف الخير ويرجع لينا
اوعي تبص في رزق الغير
وادعي لكل الناس بالخير
واصبر علي رزقك هيجيلك
عمره مايبقي لواحد غيرك
دور ع الفرح بإخلاص
واقفل ع الحزن بترباس
وارضي ربك دايما تلقي
حلوة حياتك صافيه ورايقه
ليه متحير
ليه متحير خلي حياتك دي تتغير
اقوي وسيطر ع الاحزان
وزع بهجه في كل مكان
وافرح من برة ومن جوة
وارضي بحالك زي ماهو
زكيه فيصل
تعليقات
إرسال تعليق