حضن الليالي.. بقلم الشاعر/محمد سليمان أبو سند
( حضن الليالي )
بقلمي محمــد سليمــان أبوسند
حضن الليالي براح
يساع من البشر ملايين
فيهم اللي إنجرح
وفيهم اللي تاه في
سكة العاشقين
دواره هي الدنيا
ولا تعرف لها مفاتيح
أماني وليالي مع أحلام
بتتوه مع دوامات ضايعين
لا عرفت فيها مراكبك
ولا بانت شطوط لطريق
وكل واحد فينا محتاج
يداوي جراح
ويكون في ليل سلوته
قلم وكام ورقايه
يحكي معاهم شكوته
ويبوح
ونهار بنوره بيرسم
معاه مفاتيح
بيبان بتفح على الفضا
الواسع مع الشبابيك
عصافير تزقزق
وقت الشروق أفراح
تنام في حضنها قسوة
زمان ولي وراح
والشمس لما تهل
تقفل معاها جراح
بقلمي محمــد سليمــان أبوسند
تعليقات
إرسال تعليق