نفسي.. بقلم الشاعرة/إيمان عبدالله والي
... نفسي ....
نفسي يوم تفهم دماغي
وتعرف ان هوايا باقي
وان سكت وطال غيابي
اعرف انك سر عذابي
بس خايفه انى اعاتبك
وبكلامي اجرح ف قلبك
عارفه ان كلامي قاسي
بس ده لانى بحبك
نفسي يوم تحس بيه
وتعرف انى مش رميه
وان قلبي اختار هواك
وداب فيه وكان ضحيه
بس قلبي عليه غالي
ايوه انت اللي بخيالي
بس لما يوم هتقسي
اعرف انك مش ف بالي
ايوه قلبي كرامته فوق
يعشق الكرم والذوق
بس لو حابب تبيع
اصحى يابني صحصح فوق
اصل احنا ولاد أصول
مهما تعمل مش هقول
أو لسانى عليك يطول
اصل غضبي ده فصول
فصل منه موجه هادي
وفصل يزعل ولا يدادى
وفصل انزف من فؤادي
وقتها تصبح لى عادي
انسي انى فيوم عرفتك
أو صدفة فيوم قابلتك
يلا امشي وداري خيبتك
وانسي فيوم انى حبيبتك
ايوه عنك هبعد بعيد
ما انت وعدك مش اكيد
لما توعد مش بتوفي
اصل قلبك ده حديد
يلا بينا يا قلبي نمشي
عمر حبه مايروي عطشي
اصل كنت دايبه فيه
م السعادي مايهز رمشي
الشاعرة
ايمان عبدالله والي
تعليقات
إرسال تعليق