أغنية....بقلم الشاعر شريف شحاته
أغنية
قسوة قلبه
بقلم شريف شحاته مصر
دة اللى مأثر فيا قسوة قلبه عليا
يغضب كل ما أشوفه وقلبى يدارى كسوفه
وحيرة تبان فى عينيا دة اللى مأثر فيا
ليه دايما بتلاوع وتخلينى أحتار
وأشرح وإنت ما سامع وتفوت قلبى فى نار
ليه تسعد عزالى وإنت حبيبى الغالى وتسهرنى ليالى وتزعل كل شوية دة اللى مأثر فيا
مرة حاول تفهمنى وتسمع منى أعذارى
يمكن كدة ترحمنى وأشوف قلبك شارى
مش على طول تعاندنى وقلبك يبقى كايدنى
تعشقنى وتسندنى ونعيش دنيا هنية
دة اللى مأثر فيا دة اللى مأثر فيا
دقة قلبى تقولك وتبوح لك بغرامى
إسمع لما أقولك أشواقى وأحلامى
صدق شوقى وحبى روحك تسكن قلبى
مش تغضب وتخبى وتشيل همك ليا
دة اللى مأثر فيا دة اللى مأثر فيا
تعليقات
إرسال تعليق