زي العادة.. بقلم الشاعرة/أميرة مهران
زى العادة...
ترجع مكسور مهموم سادة
تشتكى من وجعك بزيادة
وإن الأيام بعدي... إسودت
خالية الألوان... مُرة وباهتة
سكر متمرر بالوحدة.
والفُرقة معاك قاسية وجاحدة
وإن الاحزان جواك ...شدة
ف ضلوعك تكسر بزيادة.
نفس التعابير نفس الألفاظ
ومفيش تغير....
غير إني بصدق بسذاجة.
نفس القهوة المُرة العلقم.
والله دى خيلة وكدابة.....
نفس الخيالات.نفس التخطيط
بتقرب مني كنمر حويط.
تستهلك روح ....
فى مشاعر زيف.
كلها أوهام.
كلها تخاريف.
لأجل الإنصاف... .
كلها أفكار برة الصندوق
عقلية بجد تفوق الحد.
ترجع ملهوف وتبان حيران
تقتص كمان.....
من ذنبى ف حبك ليا زمان
أرجع وأسامح وأعشق فيك
وف آخر الليل تبعد حبة.
تهرب من حضنى وتتخبى.
وألاقى عينيك.. بتزوغ منى
عمالة تدور على مخرج.
وگإنك..... فيا بتتورط.
ما تجيش تانى ....
يا خيال إنسان.
والطبع جبان..
أفكاره بعيدة عن الاخلاص
قال كان ف خيالى ...!!!
ميزان حساس..
وب روح من ماس.
حقه.انا .. موهومة. .
كذبك.. صدقت.
ولإنى بدأت.. من سحرك أفوق
لو جيت من تانى ف يوم حنيت
هتدوق الذل......
وهخلى نهارك اسود ليل.
هتعيشه.
ف سَنة البني ادمين.
#أميرة_مهران
تعليقات
إرسال تعليق