هيش.. بقلم الشاعر/شاذلي محمد عبدالرحمن حسين
●●●●●●● هيش ●●●●●●●
حاوريني يا نفسي ومتلفيش
خليكِ جريئة ومتخبيش
لو كنتِ في ديقة متتهزيش
وتملي بعيدة عن التهميش
دايما في حقيقة متتفاجئيش
عن كل أمالنا متتنازليش
دي كرامتك لو هتروح متجيش
وتعبت يا نفسي من التطنيش
مش كل ما انادي تقولي مافيش
• دي الدنيا يا ستي شوية هيش •
لو كنتِ زهقتِ من التلطيش
واجهيها أخرها أكيد خرابيش
وإياكِ ضميرك يبقى عريش
يتحمل فوق من طاقته يطيش
هو المجروح يعني ميبكيش
عن أحلى معاني متتخليش
نكتب وكلامنا سنين هيعيش
على كل جدار وف كل أفيش
• دي الدنيا يا ستي شوية هيش •
معقولة يا نفسي نخاف من الهيش
●●●●●●●●●●●●●●
شادوليات
خارج عن المألوف
شاذلي محمد عبدالرحمن حسين .
تعليقات
إرسال تعليق