قلم درويش.. بقلم الشاعر/شاذلي محمد عبدالرحمن حسين
٠ ✏️✏️✏️ قلم درويش ✏️✏️✏️
مسكين ياعم القلم
عاصر لمونة ع الكلام
عايش في دنيا الألم
والضحكة لابسة ميت لجام
موجود كأنك عدم
عشمان بتكتب والسلام
صوتك خلاص اتكتم
ووصلت حالة الانفصام
تفرح تحس بندم
تبدأ كلامك بالختام
حلمك تكون محترم
لو وسط بحر من الحرام
ماسك في حبل القيم
وشايفها دايما ف الأمام
درويش وبتقول حكم
بتنادي وسط زحام
ولا حد بيك اهتم
ولا حتى سمعوا كلام
تاهوا ف طريق الهم
ماشيين ورا الاوهام
إنسى ياعم القلم
واتغطى يابني ونام
✏️✏️✏️✏️✏️✏️✏️✏️✏️✏️
شادوليات
شاذلي محمد عبدالرحمن حسين.
تعليقات
إرسال تعليق