مسافر وسط أحزاني...بقلم الشاعر عبد المنعم مرعي
..........مسافر وسط أحزاني........
قالولي قوم ياله عشان تسافر
ورغم إني عارف إن الغربة
وجعها لينا صعب وعذابها كافر
بياكل فينا ويدغدغ مابيرحمش
بنمشي ونقول اهي ايام وبتمر
رغم الالم اللي جوانا والمُر
بنسيرها وقال عليها بنضحك
غش في غش مش فارق
نكون اسر جواها أوتقول انا حر
كلها ايام من عمرنا ولعمرنا بتجر
عايش فيها بلا روح وجواك
كل شئ منك مسروق
وحجات يامة قوي مابتسر
هناك هتلاقي عنك ناس غريبه
معروف انك لاأول مره بتشوفهم
غيرنا وغرباء حتي من ووشوشهم
بعيونهم نظرة ليك تحسها كئيبه
انا أول ما نزلت من الطيارة
حسيت بحجات جوايه عاملة غارة
بتلومني كتير وعليه كمان بتعتب
وكأنها معلقاني من رقبتي بسنارة
وأول يوم كان ليه هناك
لقيت روحي مني مسحوبة
وإحساس جواية بدنيا تانيه مقلوبة
مش عارف أنا ايه جرالي بالظبط
ورجلي مش شيلاني مش فيه مشلولة
وبدأت أسال نفسي باأسئلة مهبولة
أنا مين أنا فين أنا إيه حصلي
وجاتني كل الأجوبة ويارتها ماجتني
جت بقسوه وجفا مغلولة
بتعاتب فيه نفسي هو انتي يانفسي
مش كنت عني مسئوله
صعبت عليه روحي و دموعي
من عيني نزله بغزارة ع الخد معلولة
بتحرق فيه أركاني بحالة مجنونة
بحاول احايلها واسيرها دون جدوي
وهي دايرة بتطعن بسكينة تلمه
وفيه بتصرخ بعلو صوتها الملعونة
بتقولي مين شار عليك تروح وتتغرب
وليه تسيب نفسك وسط الضلمة
قال مسافر وسط أحزاني بجرب
أعيش إنسان بدون طاقة
وحياتي اللي كان نورها بيلمع ويشع
صبح فجاءة ضوء مخفي ومتسرب
ولقيت صوت من جوايه بيقرب
بينادي عليه بصوت شغوف متكهرب
فزعني من نومي وقالي أوام
قوم بسرعة يالي اسمك متغرب
لم اللي باقي منك ياله وبسرعة
إجري ولبعيد عن هنا إهرب
بقلم عبد المنعم مرعي
تعليقات
إرسال تعليق