كان بيسيب الدنيا عشاني.. بقلم الشاعرة/سناء البنا
كان بيسيب الدنيا عشاني
يسمع صوتي القاه قُدامي
وفي ثانيه يحقق أحلامي
كان بيجاهد لأجل ودادي
ليه دلوقتي كلامه معادي
مهما أحايل فيه وأراضي
بأفضل اكلم فيه وأنادي
دايما رده انا مش فاضي
أسأل عنه واقول ده حبيبي
هو منايا وهو نصيبي
يبعد عني يزيد في لهيبي
عمره لخاطري ما كان بيراضي
اعلنت أنا عصياني عليه
ولا هسأل من تاني انا فيه
حتى إن حَن ومد إيديه
حتى ان بكى بالدمع قصادى
انا مش هرجع زي زمان
ازرع حب وشوق وحنان
قلبك واخد علي النسيان
قلبى بعِندك أصبح فاضى
سناء البنا
تعليقات
إرسال تعليق