أمي قالت.. بقلم الشاعرة المبدعة/إيمان عبدالله والي
.... أمى قالت ....
الأيام اللي تعدى مبتجيش
والحلم لو ماعفرتش مفيش
مهو الحلم مش بالتمني
لازم تتعب عشان تعيش
وأوعي فيوم تدوس
على غيرك
اوعاك من الحرام ولا
تبص لغيرك
لو الحلال قليل ففيه
بركة وخيرك
رب العباد يرزقك زى
ما رزق غيرك
يا ابني الدنيا مش
دايمه
يوم فى الهبوط ويوم
قايمه
مهما عشت فيها فيوم
زايله
اوعاك من الذل وخلى
كرامتك عاليه
يا ابني دى دنيا
بالسوء أمارة
اللي ماشي شمال
وباني عمارة
غاشش فى الخرسانه
وفاكرهاشطارة
ميهمش الناس تموت
ميأثرش كام شيكاره
اوعاك تصاحب يوم
الاندال
لا يجرك منهم ندل
ويكون شمال
تمشي بطريق ورجوعك
محال
ويضيع حلمك منك
وكل الأمال
يا ابني مهما كبرت
الكل هيسيبك
طول ما بتدي الكل
حواليك يزينك
لو يوم رصيدك نزل
يعملوا مش عارفينك
ربي يصلح حالك ودعوتي
الله بالتقوي يزينك
الشاعرة
ايمان عبدالله والي
تعليقات
إرسال تعليق