غرور شاعر.. بقلم الشاعر المتألق/د. دخيل العطيوي الثقفي
غرور شاعر
للشاعر دخيل العطيوي الثقغي
،،،،،،،،،،، ،،،،،،،،، ،،،،،،،،،،،، ،،،،،،،،،،
في عالم الذات يدفعني معاه الغرور
هواي كيفي تناثر ... فالدجى وأجمعه
وتوالت أفكار رآسي في مسار العبور
أسير عكس إتجاه الريح في مطلعه
وأشوف كل البشر دوني تلف وتدور
ماحد مكيف هواي الي غدا مطمعه
لين أوقفتني شبيه الريم ضبيا نفور
غيرت معها المسار وسرت أنا أتبعه
تركت كل الغرور إلي مضى في ثبور
يحكي بصوت خفيّ وأقرب عشان أسمعه
وأعطيت نفسي مساحه عند إشارة مرور
أتخيله مثل ذاك .. البدر في مطلعه
لها شموخ الجبال الي ربتني دهور
وشموخ جدآني إلي دورهم مشرعه
للضيف والمحتمي من شر حاقد جسور
تعطي اللوآزم وتعمي كل غرّ إمعه
لين إنتهت بي عزاوي النفس وأنا غيور
خطفتها خطف صقراً للقنص مروعه
وأمست بقبضة يدي مابين طيب وسرور
رزقي من الله ومن ذا إلي يجي يمنعه
تعليقات
إرسال تعليق